પિયત પાણીની ગુણવતા અંગેની માહિતી
જેટલી અગત્યતા જમીનમાં રહેલા પોષક તત્વોની છે તેટલી જ અગત્યતા પિયત માટે ઉપયોગમાં લેવાતા પાણીની છે. તેથી પિયત માટે જો કૂવાનું, તળાવનું કે નહેરનું પાણી ઉપયોગ કરતા હોઈએ તો પિયત માટે ઉપયોગમાં લેવાતા આવા પાણીનું પણ પૃથકરણ કરાવી ભલામણ મુજબ પાણીનો જે તે જમીનોમાં ઉપયોગ કરવો જરૂરી છે. પિયતના પાણીમાં રહેલા જુદા જુદા ક્ષારોનું પ્રમાણ જાણી ખેતીમાં જે તે પાક માટે આયોજન કરવા માટે કોઠામાં દર્શાવેલ વિગતો મેળવવી જરૂરી છે.

પાક ઉત્પાદન માટે આણંદ જિલ્લામાં મુખ્યત્વે નહેર, પાતાળ કૂવા કે ખાનગી કૂવા ઘ્વારા પિયત કરવામાં આવે છે. પિયતના પાણીમાં દ્રાવ્ય ક્ષારોની માત્રા સમયાંતરે મોટા પ્રમાણમાં ઉમેરાય છે. જો જમીનમાં પુરતો નિતાર ન હોય તો લાબાં ગાળે આવી જમીનમાં સતત અને ભુલ ભરેલ પઘ્ધતિથી વધારાનું પિયત કરવામાં આવે તો ભૂતળના પાણીની ગુણવત્તા જોખમાય/બગડે છે અને ક્ષમ્યમાત્રા કરતા જો પાણીની વિધૃતવાહકતા ૪ં કરતા વધારે હોય તો આવી જમીનને ખારી જમીન / લુણો લાગેલ જમીન કહેવામાં આવે છે અને તેનો અમ્લતા આંક ૭.પ કરતા વધારે જોવા મળે છે. આ પ્રકારના પાણીનો ઉપયોગ કરવામાં આવે તો જમીનો સમયાંતરે બગડે છે. પરિણામે રાસાયણિક ખાતરોની ભલામણ કરતા વધુ વપરાશની જરૂરીયાત ઉભી થાય છે કારણ કે છોડ જરૂરી માત્રામાં ખારી જમીનમાંથી પોષક તત્વો પુરેપુરા મેળવી શકતો નથી. જેને લઈને ખેતી ખર્ચ વધે છે. તેથી પાણીનું પૃથકરણ કરાવવું ધણુ જ આવશ્યક છે.